اتعلم الرومانسيه

سلام عليكم ورحمة الله وبركاته

ازيكم كلكم

دى شوية حاجات رومانسيه من وحد حبيبنا خبرة فى امور الحب و الكلام البتاع الحبيبه ده

عاوزاكم تركزوا فى كلاموا وتصرفاتوا علشان اللى عاوز عروسة يعرف يوصلها ويتعامل معاها بطريقه رومانسيه

تعالوا نشوف كان بيحكى لصاحبوا هو عمل ايه مع حبيبتوا

> > كنت جالس بجوار صديقي على المقهى
> > امسك لي الشيشة بيد و اشيح بالاخرى في وجهه
> > انا مش مَدَبّ.. انا مش عارف هي جابت الكلام ده منين؟

> > اهدى بس -

> > كل ما اقولها حاجة.. تقولي انا مَدبّ.. حمارة مبتفهمش في المشاعر

> > احكيلي ايه الي حصل -

********************************
> > قاعدين في الكافيه
> > قاعدين على ترابيزة مدورة وهي قدامي
> > قولتلها أديني جايبك حتت نضيفة اهه ماروحتيهاش قبل كده

> > طلبنا برتقان و موكاهازلنت.. وبكلمها يا عم وعمّال اقولها الكلام الكبير بتاع المشاعر
> > و هي غاية في الغباء

> > عمال المّح لها و اقولها انا بتصل بيكي كتير وبكلمك كتير.. و بسأل عليكي
> > لكن مش معنى كده اني مهتم بيكي

> > انا بعمل كده مع الناس كلها.. علشان انا مهتم بالانسان مش بيكي انتي بس
> > علشان تفهم اني اجتماعي

> > و هي آخر غباء

> > اقولها انها تخنت والمفروض تقلل من البيبسي وتبطل أكل شوية بالطفاسة اللي هي فيها دي علشان تفهم اني مهتم بيها وبرشاقتها و خايف عليها من كتر الاكل

> > و هي آخر حمورية

> > أقولها حاولي تلبسي لنسيز علشان النظارة دي مبيناكي عجوزة ومش حلوة على وشك وخصوصا انه مش حلو قوي
> > علشان تفهم اني باخد بالي من التفاصيل

> > ودي اللي طالع عليها بتخلّف

***************
> > اقولها ان بعض تصرفاتها مش عجباني و انها بترغي كتير في الموبايل

> > تقولي: ما انا بكلمك برضه

> > اقولها ماهو ده قصدي.. انتي بترغي وبتكلفيني كتير في الفاتورة
> > علشان تفهم اني مدبر واقتصادي

> > و هي آخر جهل

> > لما جه الشيك علشان ندفع
> > كانت حاتدفع فأخدت منها الشيك وقولتلها انا اللي حادفع
> > وضحكتْ وقلتلها مافيهاش حاجة لما أدفع ده كمان.. ما احنا المرتين الي خرجنا فيهم انا اللي صرفت عليكي

> > علشان تفهم اني جدع معاها
> > و هي نازل عليها بغباء

> > قعدت تحكي في القراءة والثقافة
> > و انت عارف محسوبك تقيل في الحاجات دي
> > لغاية ماقالتلي على الكاتب اللي بتقراله دلوقتي ومدى حبها ليه وبكتاباته
> > قولتلها انه حمار واللي بيقروله بهايم
> > علشان تفهم اني مثقف وداري بما يدور في الساحة الثقافية
> > ومطلع على جميع الكتاب و الاصدارات
> > ولا حياة لمن تنادي

*******************
> > دفعنا الشيك و خرجنا
> > سيبتها عند الباب ولما قالتلي مش حتوصلني
> > قلتلها لأ طبعا
> > سيبتها في الشارع و ركبت العربية ومشيت
> > علشان تفهم اني مش مدلوق عليها

> > حلو لحد كده يا عم؟

> > عاطفة و اشواق وحب على أبوه من الأصلي
> > هي دي الرومانسية

> > شوف بقي غباوتها اللي جايه
> > قلت أكلمها بالليل و انهي الموضوع و اقولها إني معجب بيها والكلام الكبير ده بتاع الارتباط والحب والجواز
> > و انها هي الكسبانة والموضوع حيقع عليّ بخسارة
> > كلّمتها وقلتلها الكلمتين
> > قالتلي اني ظريف وطيب بس هي عايزة واحد رومانسي

> > ضحكتْ و قلتلها انتي حمارة بقى.. ههههه.. كل ده ومش رومانسي
> > انتي لازم تعملي اختبار ذكاء.. ههههه.. غباء غريب
> > دا انا وديتك اماكن ماروحتيهاش وصرفت عليكي
> > و كلمتلك عن وشك وجسمك يا تخينة.. هههههه
> > دا احنا مثقفين زي بعض وبلاش كده
> > ولاّ لازم تحملي مني علشان نتجوز.. هههههه
> > عجبتني قوي اخر جملة دي.. رحت عدتها تاني
> > سكتتْ كتير

> > و قعدت أقول: الو الو الو.. ومحدش رد

> > قفلت واتصلت بيها ومحدش رد

> > وفي الاخر البني آدمة تبعتلي مسج تقولي

> > انت مدب.. مدب.. ومبتحسش.. انت مدب.. مبتفهمش

> > شفت اخرتها
> > انا مدب
> > بنت غبية.. مبتفهمش.. مبتفكرش

> > في حموريّة و غباء كده.. قولي
> > في حد كده ؟

شويه رومانسيه زى الفل اهم عشرة على عشرة

علشان مش تقولوا انى بحرمكم من حاجه

منقـــــــــــــــــــــــــــــــول

انت عبيط صح هههههههههههههههههه :confused:

Admin كتب:: انت عبيط صح هههههههههههههههههه :confused:

انتا بتسأل؟هههههههههه

انا بشبة على الموضوع ده يا ممدوح ؟؟؟؟

مش كده ولا ايه ؟

شوشو* كتب:: انا بشبة على الموضوع ده يا ممدوح ؟؟؟؟

مش كده ولا ايه ؟

الراجل كاتب عليه منقول